ចាស

Khmer	Pronunciation	English/Notes	#occ
ចាស	caah	1. yes (used by women) 2. often merely a polite word of acknowledgment, especially at the beginning of a sentence	15/12

Link to overview page
Link to dictionary

Asking for help 1 — Dialogue 1

ធីតា៖ បង! បង ជួយ យក តុក្កតា នោះ ឲ្យ ខ្ញុំ តិច បាន អេ?
វិបុល៖ តុក្កតា នោះ មែន?
ធីតា៖ ចាស!
វិបុល៖ អូខេ ចាំ ម៉ា ភ្លែត ចាំ បង យក ឲ្យ។

Excusing oneself — Additional dialogue

ប្រធាន៖ កន្និកា ង៉ៃហ្នឹង ដូច រៀង យឺត អេ៎?
កន្និកា៖ ចាស បង អាឡែងតា ស្ទះចរាចរណ៍។
ប្រធាន៖ ចុះ ធ្វើ ឯកសារ ឲ្យ បង ហើយ នៅ?
កន្និកា៖ អត់ទាន់ហើយ ផង បង។ ម្សិលមិញ ខ្ញុំ អត់សូវ ស្រួលខ្លួន។
ប្រធាន៖ ធ្វើ ង៉ៃហ្នឹង ឲ្យ ហើយ មក អីចឹង។

Greetings and leave takings 1 — Dialogue 1

ពេល ជួបគ្នា និង ពេល លាគ្នា ត្រូវ និយាយ បែប ណា?
ពេល ជួបគ្នា
វុទ្ធី៖ សួស្ដី ចរិយា សុខសប្បាយ?
ចរិយា៖ ចាស សុខសប្បាយ តាស។ ចុះ វុទ្ធី សុខសប្បាយ អត់?

ពេល លាគ្នា
វុទ្ធី៖ អញ្ចឹង ខ្ញុំ ទៅ សិន ហើយ ណា។
ចរិយា៖ ចាស បាយបាយ! សុខសប្បាយ!

Expressing thanks 2 — Additional dialogue

វិបុល៖ មាន ត្រូវការ ឲ្យ ជួយ អី ទៀត អត់?
កញ្ញា៖ ចាស។ ខ្ញុំ ចង់ឲ្យ វិបុល ជួយ រើ ទូរទស្សន៍នោះ មក ដាក់ខាង នេះ វិញ។
វិបុល៖ អូខេ។ មាន អី ទៀត អត់?
កញ្ញា៖ អស់ហើយ វិបុល។ អរគុណ ច្រើន។ ក្រៅពី ហ្នឹង ខ្ញុំ ធ្វើ ខ្លួនឯង បាន។

Answering the phone — Dialogue 2

អ្នក មិន ស្គាល់គ្នា
សំណាង៖ អាឡូ ជម្រាបសួរ។
សុភាព៖ អាឡូ ជម្រាបសួរ បង។ ខ្ញុំ ពួកម៉ាក របស់កញ្ញា ឈ្មោះ សុភាព។
...
សុភាព៖ អូខេ ខ្ញុំ យល់ហើយ បង។ អរគុណ ច្រើន។
សំណាង៖ អូខេ អីចឹង ប៉ុណ្ណឹង សិន ចុះ អីចឹង។ បាយបាយ!
សុភាព៖ ចាស បាយបាយ បង! អរគុណ។ សុខសប្បាយ។

Answering the phone — Dialogue 1

អ្នក ស្គាល់គ្នា
សំណាង៖ ហេឡូ?
កញ្ញា៖ បង សំណាង ខ្ញុំ កញ្ញា។
សំណាង៖ ហ្នឹងហើយ កញ្ញា។ សុខសប្បាយ?
កញ្ញា៖ ចាស សុខសប្បាយ តាស បង។ ឥឡូវ និយាយ បាន អេ បង?
សំណាង៖ និយាយ បាន តាស។
...
កញ្ញា៖ អរគុណ ច្រើន បង។ ប៉ុណ្ណឹង សិន ហើយ អីចឹង។
សំណាង៖ ហ្នឹងហើយ។ ថ្ងៃក្រោយ ជួបគ្នា។
កញ្ញា៖ ចាស បង។ អរគុណ។

Forbidding someone to do something — Dialogue 2

បម្រាម ក្នុង ក្រុមហ៊ុន
ប្រធាន៖ សម្រាប់បុគ្គលិក ថ្មី យើង មាន បម្រាម ខ្លះ ដែល ត្រូវ ឲ្យ ដឹង។ ទី មួយ ហាម មក ធ្វើការ យឺត លើស ពី ១០ នាទី។ ទី ពីរ ហាម ជក់បារី ក្នុង ការិយាល័យ។ ទី បី ហាម បើក សំឡេង ទូរស័ព្ទ រោទ៍ឲ្យ ឮ ត្រូវ ដាក់សាយឡិន ជានិច្ច។
បុគ្គលិក៖ បាទ/ចាស បង។
ប្រធាន៖ អូ ហើយ កុំ ចេញ ទៅ ក្រៅ ក្រុមហ៊ុន ក្នុង ពេល ម៉ោង ធ្វើការ ដោយ មិន មាន ការ អនុញ្ញាត។ ត្រូវ ប្រាប់បង ឲ្យ ដឹង គ្រប់ពេល។

Asking for directions 1 — Additional dialogue

សោភា៖ ពូ ខ្ញុំ សុំ សួរ តិច។ ទៅ ផ្សារ អ៊ីអន តាម ផ្លូវ ណា វិញ ទៅ ពូ?
អ្នក តាម ផ្លូវ៖ ជិះ តាម នេះ ក៏បាន ជិះ តាម នោះ ក៏បាន។ ជិះ តាម នេះ ទៅ លឿន ជាង។
សោភា៖ មួយ ណា ស្រួល រក ជាង ពូ?
អ្នក តាម ផ្លូវ៖ ជិះ តាម នោះ ស្រួល រក ជាង ប៉ុន្តែ រៀង ឆ្ងាយ តិច។
សោភា៖ ចាស អត់អីអេ៎ពូ។ អីចឹង ខ្ញុំ ត្រូវ ជិះ ទៅ ត្រង់មែន ពូ?
អ្នក តាម ផ្លូវ៖ បាទ ជិះ ទៅមុខ ត្រង់រហូតដល់ផ្លូវទាល់ហើយ បត់ឆ្វេង ហើយ ជិះ រហូត ទៀត ទៅ ឃើញ ហើយ។

Asking for repetition — Cultural note

នៅ ពេល យើង ចង់ឲ្យ អ្នក ដែល មាន អាយុ ច្រើន ឬ ឋានៈ ខ្ពស់ជាង និយាយ ម្ដងទៀត យើង មិន អាច ប្រើ ពាក្យ ថា “ហា” ឬ “អីគេ?” បាន ទេ។ យើង អាច សួរ គាត់ដោយ ផ្ដើម ពី “បាទ/ចាស?” រួច សួរ ថា “មានប្រសាសន៍ថា ម៉េច ...?” ឬ “មាន និយាយ ថា ម៉េច ...?”។ ជំនួស ... ដោយ ពាក្យ ហៅ ដូចជា បង លោកគ្រូ លោក អ៊ំ ។ល។ ប៉ុន្តែ សម្រាប់ក្រុមគ្រួសារ ដូចជា ឪពុកម្ដាយ បងប្រុស បងស្រី ដែល ជា មនុស្ស ជិតស្និទ្ធ ជនជាតិ ខ្មែរ ប្រើ ភាសា ដូច ពេល ប្រើ ជាមួយ មិត្តភក្តិ អីចឹង ដែរ។

Expressing thanks 2 — Dialogue

វិបុល៖ កញ្ញា កំពុង ធ្វើ អី ហ្នឹង?
កញ្ញា៖ អូ វិបុល ខ្ញុំ កំពុង រក ចង់ព្យួរ រូបថត មួយ នេះ។ តែ ខ្ញុំ អត់សូវ ចេះ ប្រើ ញញួរ ទេ។
វិបុល៖ ចាំ ខ្ញុំ ជួយ អីចឹង! ចង់ព្យួរ ដាក់ត្រង់ណា?
កញ្ញា៖ ខ្ញុំ ចង់ដាក់វា ត្រង់នេះ។
វិបុល៖ អូខេ។ ជួយ ទ្រ ពីក្រោម បន្តិច មក អីចឹង។
កញ្ញា៖ ចាស។ ប្រយ័ត្ន វ៉ៃ ត្រូវ ដៃ ខ្លួនឯង ណា។
[ប៉ុកៗៗ (សំឡេង ញញួរ)]
វិបុល៖ រួច ហើយ! ប៉ុណ្ណឹង បាន អត់?
កញ្ញា៖ ប៉ុណ្ណឹង បាន / ល្មម ហើយ វិបុល។ អរគុណ ច្រើន!
វិបុល៖ អូខេ / មិនអីទេ។

Discouraging someone from pursuing a course of action — Dialogue 1

ដាក់ពាក្យ សុំ ឈប់ពី ក្រុមហ៊ុន
ប្រធាន៖ ពិសី ឮ ថា ចង់ឈប់ធ្វើការ មាន បញ្ហា អី អ៎? ប្រាប់បង មើល។
ពិសី៖ ចាស បង។ ខ្ញុំ ចង់សាកល្បង ការងារ ផ្សេង វិញ ព្រោះ ធ្វើ ការងារ ហ្នឹង យូរ ឆ្នាំ ដែរ ហើយ។
ប្រធាន៖ ចង់ធ្វើការ អី វិញ?
ពិសី៖ ខ្ញុំ ចង់ធ្វើ ផ្នែក គណនេយ្យ វិញ បង។
ប្រធាន៖ អីចឹង ចាំបាច់ឈប់ពី ក្រុមហ៊ុន យើង ធ្វើ អី? បង ផ្លាស់ពិសី ឯង ទៅ ធ្វើ ខាង គណនេយ្យ វិញ ទៅ បាន ហើយ។ ម៉េចដែរ? ហើយ ប្រាក់ខែ នៅ ដដែល។ ធម្មតា ផ្នែក គណនេយ្យ បាន ប្រាក់ខែ តិច ជាង ខាង ម៉ាឃីតធីង ប៉ុន្តែ បើ ពិសី ចង់ទៅ ខាង គណនេយ្យ ប្រាក់ខែ បង ឲ្យ ដូច ឥឡូវ ចឹង។ ណាមួយ នៅ ខាង នោះ ម៉ោង ធ្វើការ ក៏តិច ជាង ឥឡូវ វា ល្អ ម្យ៉ាង ដែរ សម្រាប់អូន។ អូន គិត ម៉េចដែរ?
ពិសី៖ ចាស បង ហ្នឹងហើយ អីចឹង ក៏បាន ដែរ បង។ អរគុណ ច្រើន បង។

Saying “A moment, please!” — Dialogue