Khmer	Pronunciation	English/Notes	#occ
ទ្វារ	tvie	1. door, entrance, opening, gate 2. mountain pass 3. bay, gulf	102/32

Link to overview page
Link to dictionary

Pickpocket (Sakanan) — 09

នៅក្នុងរូបភាពទី ៩ នៅក្នុងរូបភាពទី ៩ យើងឃើញថា បន្តិចក្រោយមក រថភ្លើងក៏មកដល់គោលដៅទីពីរ អញ្ចឹងជាទូទៅផ្លូវរថភ្លើងនីមួយៗ គឺមានស្ថានីយរថភ្លើងជាច្រើន បាទ ស្ថានីយរថភ្លើងជាច្រើន ដូចថានៅពេលដែលទៅដល់គោលដៅមួយ គឺមានស្ថានីយរថភ្លើងមួយ ដូច្នេះគ្រប់ស្ថានីយទាំងអស់រថភ្លើងត្រូវតែឈប់ អញ្ចឹងពេលនៅដល់ស្ថានីយមួយៗ រថភ្លើងត្រូវតែឈប់ ដើម្បីដាក់អ្នកដំណើរចុះ និងឲ្យអ្នកដំណើរផ្សេងទៀតឡើង អញ្ចឹងហើយនៅក្នុងរូបភាពទី ៩ នេះ រថភ្លើងនោះបានមកដល់គោលដៅទីពីរ ដែលតម្រូវឲ្យរថភ្លើងនោះឈប់ ហើយបើកទ្វារឲ្យអ្នកដំណើរនៅខាងក្នុងចេញ និងអ្នកដំណើរនៅខាងក្រៅចូល។

Pickpocket (Sakanan) — 05

ចូលដល់រូបភាពទី ៥ រូបភាពទី ៥ បន្ទាប់ពីអ្នកដំណើរដែលនៅខាងក្នុង គាត់ចេញអស់ហើយ បាទ អ្នកដំណើរដែលដល់គោលដៅ គាត់ចេញពីក្នុងរថភ្លើងអស់ហើយ អ្នកដំណើរខាងក្រៅ ដែលមានស្ត្រីម្នាក់និងបុរសពីរនាក់ ដែលបុរសម្នាក់ពាក់អាវផ្កាឈូកនោះ គាត់ក៏បានចូលទៅក្នុងរថភ្លើងនោះម្ដង អញ្ចឹងគាត់ចូលតាមទ្វារដែលបានបើករួចនោះទៅក្នុងរថភ្លើង ដោយគាត់ដើរបណ្ដើរ យកដៃរបស់គាត់ច្រត់ទៅក្នុងហោប៉ៅដដែល បាទ អញ្ចឹងគាត់ដើរចូលទៅក្នុងរថភ្លើងតាមសម្រួល ដោយពុំមានការប្រញាប់ប្រញាល់ ឬក៏ដណ្ដើមគ្នាចូលនោះទេ ព្រោះទ្វាររថភ្លើងបើកហើយធំ អញ្ចឹងផ្លូវដើរទូលាយ ដូច្នេះគាត់ពុំចាំបាច់បញ្ជ្រៀតគ្នានោះទេ។

Pickpocket (Sakanan) — 10

ចូលមកដល់រូបភាពទី ១០ នៅក្នុងរូបភាពទី ១០ យើងឃើញថា បន្ទាប់ពីរថភ្លើងមកដល់គោលដៅទីពីរហើយ រថភ្លើងនោះក៏បានឈប់ ហើយរថភ្លើងបានបើកទ្វារ ដោយទ្វាររបស់រថភ្លើងនោះបើកចេញឆ្វេងស្ដាំដូចមុនដែរ ហើយមានអ្នកដំណើរជាច្រើន មានប្រុស មានស្រី ដើរចេញពីក្នុងរថភ្លើងនោះ អញ្ចឹងយើងឃើញថា មានអ្នកដំណើរចេញពីទ្វារទាំងពីរនោះតែម្ដង ដោយយើងឃើញមានបុរសពាក់អាវផ្កាឈូក ដែលមានវ័យ ២៥ ឆ្នាំនោះ ក៏បានចេញពីរថភ្លើងនោះផងដែរ ពេលនេះគាត់ដើរដោយយកដៃទាំងពីរជ្រែងហោប៉ៅ បានន័យថាយកដៃទាំងពីរ លូកទៅក្នុងហោប៉ៅសងខាងរបស់គាត់ ហើយគាត់បានដើរចេញមកក្រៅ ដោយពុំបានចាប់អារម្មណ៍អ្វីទាំងអស់ ដូច្នេះគាត់ពុំទាន់ដឹងថា មានមនុស្សលួចកាបូបរបស់គាត់នោះទេ។

Pickpocket (Sakanan) — 16

ចូលមកដល់រូបភាពទី ១៦ នៅក្នុងរូបភាពទី ១៦ យើងឃើញថា បន្ទាប់ពីគាត់បាត់កាបូបលុយហើយ គាត់មិនអាចដើរឆ្លងរបាំងដែលទៅម្ខាងទៀតនោះទេ ព្រោះថាម៉ាស៊ីនមិនបើកទ្វារឲ្យគាត់ដើរ អញ្ចឹងហើយគាត់បានដើរត្រលប់ក្រោយមកវិញ បាទ អញ្ចឹងនៅពេលដែលគាត់ដឹងថា គាត់បាត់កាបូបលុយ គាត់មិនបានធ្វើខុស ឬក៏គ្រលង ឬក៏កន្លងទ្វាររបាំងដែលនៅផ្លូវដើរនោះទេ ព្រោះថាការធ្វើបែបនេះ គឺខុសទៅនឹងវិន័យរបស់ស្ថានីយរថភ្លើង អញ្ចឹងគេអាចនឹងចាប់គាត់បាន ដូច្នេះគាត់បានដើរថយក្រោយ ព្រោះថាគាត់ ប្រសិនបើគាត់មិនត្រលប់ក្រោយទេ អ្នកដំណើរផ្សេងទៀត គឺនឹងស្ទះ រាំងស្ទះ ដោយសារតែគាត់គេមិនអាចទៅមុខបាន ព្រោះថាគាត់មិនអាចឆ្លងទៅបាន អញ្ចឹងបុរសម្នាក់នោះ ត្រូវតែដើរចេញពីកន្លែងច្រកចូលនោះ ដើម្បីអ្នកដំណើរផ្សេងទៀត ដែលមានសំបុត្រ ឬក៏មានកាត គេដើរឆ្លងកាត់ផ្លូវនោះ។

Pickpocket (Sakanan) — 12

ចូលដល់រូបភាពទី ១២ នៅក្នុងរូបភាពទី ១២ បន្ទាប់ពីបុរសម្នាក់នោះគាត់ជិះជណ្ដើរយន្តរួចហើយ គាត់ក៏បានដើរត្រូវតម្រូវដើរចូលស្ថានីយ ក៏ប៉ុន្តែមុននឹងគាត់អាចដើរចូលស្ថានីយរថភ្លើងបាន គឺគាត់ត្រូវតែមានសំបុត្រ អញ្ចឹងគាត់ដើរមកដល់កន្លែងមួយ គឺជាកន្លែងពិនិត្យសំបុត្រ បាទ កន្លែងត្រួតពិនិត្យសំបុត្រ ដូច្នេះគឺយើងឃើញមានថា មានផ្លូវដើរ[ចំនួន]ជាច្រើន ដែលមានរបង ឬក៏របាំងទ្វារ មិនអនុញ្ញាតឲ្យមនុស្សដើរឆ្លងកាត់បានដោយសេរីនោះទេ អញ្ចឹងរបាំងពណ៌ទឹកក្រូច គឺបាំងផ្លូវជិតតែម្ដង អញ្ចឹងបានន័យថា ទាល់តែយើងដាក់សំបុត្រចូល ឬក៏ដាក់កាតចូល ហើយម៉ាស៊ីនស្គាល់ទើបរបាំងនោះបើកទ្វារឲ្យមនុស្សដើរកាត់បាន អញ្ចឹងយើងឃើញថា បុរសម្នាក់នោះ បានមកដើរមកដល់ខាងមុខរបាំងនោះ ហើយរបាំងនោះ ពុំទាន់បានបើកផ្លូវឲ្យបុរសនោះដើរនោះទេ អញ្ចឹងបុរសនោះចាំបាច់ត្រូវតែដាក់សំបុត្រ ឬក៏កាត ចូលទៅក្នុងម៉ាស៊ីន ដើម្បីឲ្យម៉ាស៊ីនបើកផ្លូវឲ្យ។

Pickpocket (Sakanan) — 04

ចូលដល់រូបភាពទី ៤ នៅក្នុងរូបភាពទី ៤ បន្ទាប់ពីទ្វាររថភ្លើងបើកហើយ យើងឃើញ មានអ្នកដំណើរជាច្រើន មាន[អ្នកដំណើរ]ប្រុសស្រីជាច្រើន គាត់បានដើរចេញពីរថភ្លើង ដែលឈប់នោះ អញ្ចឹងយើងឃើញថា អ្នកដំណើរដែលនៅខាងក្រៅ គាត់មិនបានឈរនៅខាងមុខទ្វារនៃរថភ្លើងនោះទេ គឺគាត់ឈរទៅខាងទាំងអស់ ដូច្នេះហើយទើបពុំមានឲ្យមានការស្ទះផ្លូវ ឬក៏បាំងផ្លូវដល់អ្នកដំណើរដែលនៅខាងក្នុងនោះទេ អញ្ចឹងអ្នកដំណើរដែលនៅខាងក្នុង គាត់បានចេញពីរថភ្លើងតាមសម្រួលម្ដងមួយៗ ដូច្នេះហើយទើបធ្វើឲ្យចំណាញ់ពេលវេលាបានច្រើន យើងឃើញមានអ្នកដំណើរជាច្រើន ដែលគាត់ធ្វើដំណើរដល់គោលដៅរបស់គាត់ហើយចេញពីរថភ្លើង ក៏ប៉ុន្តែមានអ្នកដំណើរមួយចំនួនទៀត គាត់ពុំបានចេញពីរថភ្លើងនោះទេ ដោយហេតុថាគាត់ពុំទាន់ដល់គោលដៅរបស់គាត់ អញ្ចឹងការចេញពីរថភ្លើងគឺ សម្រាប់តែអ្នកដំណើរណា ដែលគាត់ដល់គោលដៅរបស់គាត់ ទើបគាត់ចុះ អ្នកដំណើរណា ដែលមិនទាន់ដល់គោលដៅ គឺគាត់ត្រូវបន្តដំណើរទៀត ដោយមិនបាច់ចុះពីរថភ្លើងនោះទេ។

Cutting One’s Finger (Sakanan) — 16

នៅក្នុងរូបភាពទី ១៦ រូបភាពទី ១៦ បន្ទាប់ពីបង់បិទដំបៅរបស់គាត់អស់ បុរសនោះក៏គាត់បានដើរទៅហ្វាម៉ាស៊ី បាទ ឬក៏ឱសថស្ថាន អញ្ចឹងនៅក្នុងប្រទេសកម្ពុជា កន្លែងដែលមានលក់បង់បិទដំបៅគឺមានដូចជាឱសថស្ថាន ឬក៏មន្ទីរពេទ្យ ឬក៏តូបលក់ចាប់ហួយផ្សេងៗ អញ្ចឹងនៅក្នុងតូបលក់ចាប់ហួយក៏មានលក់បង់បិទដំបៅដែរ ហើយនៅក្នុងរូបភាពនេះ គឺឃើញថាគាត់បានដើរទៅដល់កន្លែងលក់ថ្នាំមួយ បាទ កន្លែងលក់ថ្នាំ យើងហៅថាឱសថស្ថាន យើងអាចហៅបានពីរ ហ្វាម៉ាស៊ី ឬក៏ឱសថស្ថាន បាទ កន្លែងទាំងពីរនេះ គឺជាកន្លែងដែលលក់ថ្នាំពេទ្យ និងលក់សម្ភារៈវេជ្ជសាស្ត្រ ឬក៏សម្ភារៈពេទ្យ អញ្ចឹងគាត់ដើរទៅទីនោះ យើងឃើញនៅក្នុងរូបភាពនេះ គឺនៅ នៅមាត់ទ្វាររបស់ឱសថស្ថាននោះ គឺមានផ្លាកសញ្ញាបូកមួយ បាទ ផ្លាកសញ្ញាបូក អញ្ចឹងសញ្ញាពេទ្យ ឬក៏សញ្ញាសង្គ្រោះ គឺមានសញ្ញាបូកពណ៌ក្រហម ផ្ទៃពណ៌ស អញ្ចឹងនៅក្នុងរូបភាពនេះ យើងឃើញថាទ្វារ នៅ នៅខាងលើទ្វារចូល គឺយើងឃើញមានសញ្ញាបូកពណ៌ក្រហមនៅលើផ្ទៃពណ៌ស ដូច្នេះបានន័យថាសញ្ញានេះ គឺជាសញ្ញាពេទ្យ បាទ បុរសនោះ គាត់បានដើរទៅដល់ឱសថស្ថាន ឬក៏ទៅដល់ពេទ្យនោះ។

Post Office (Sakanan) — 04

បន្ទាប់មកទៀតរូបភាពទី ៤ នៅក្នុងរូបភាពទី ៤ បុរសម្នាក់នោះ គាត់បានដើរមកដល់ការិយាល័យប្រៃសណីយ៍ អញ្ចឹងបន្ទាប់ពីគាត់ទទួលបានសំបុត្រពីនារីដែលជាមិត្តភក្តិរបស់គាត់ហើយ គាត់ក៏បានកាន់សំបុត្រនោះដើរមកកាន់ការិយាល័យប្រៃសណីយ៍។ ដែលយើងឃើញនៅក្នុងរូបភាពនេះគឺគាត់កំពុងតែដើរមក អញ្ចឹងគាត់ដើរមកដោយដៃឆ្វេងរបស់គាត់កាន់សំបុត្ររបស់នារីម្នាក់នោះ ហើយដៃស្ដាំរបស់គាត់គឺកាន់សៀវភៅ ដែលយើងឃើញសៀវភៅរបស់គាត់មានច្រើនក្បាល មានច្រើនក្បាល មានប្រាំក្បាល។ អញ្ចឹងសៀវភៅដែលគាត់កាន់មានបួនក្បាល ហើយគាត់កាន់សំបុត្រមួយច្បាប់ផងដែរ ហើយដើរមកកាន់ការិយាល័យប្រៃសណីយ៍ ដោយយើងឃើញនៅក្នុងរូបភាពនេះ នៅក្បែរគាត់គឺយើងឃើញមានខ្លោងទ្វារការិយាល័យប្រៃសណីយ៍ ដែលទ្វារនោះកំពុងតែបើក អញ្ចឹងបានន័យថាការិយាល័យប្រៃសណីយ៍គឺបើកទ្វារ ដើម្បីរង់ចាំស្វាគមន៍អតិថិជនចូលទៅផ្ញើរបស់របរ ឬក៏ផ្ញើសំបុត្រ ឬក៏ផ្ញើអីវ៉ាន់ផ្សេងៗ។ ដោយយើងឃើញនៅខាងលើខ្លោងទ្វារនោះ យើងឃើញមានសរសេរដាក់ការិយាល័យប្រៃសណីយ៍ផងដែរ ហើយនៅខាងក្នុងគឺជាបញ្ជរសម្រាប់ទទួលអីវ៉ាន់ ឬក៏ទទួលសម្ភារៈផ្សេងៗដែលយើងចង់ផ្ញើ។ អញ្ចឹងយើងចូលទៅក្នុងការិយាល័យប្រៃសណីយ៍ដោយទៅរកបញ្ជរផ្សេងៗដែលគេចាំទទួលអីវ៉ាន់។

Pickpocket (Sakanan) — 02

នៅក្នុងរូបភាពទី ២ ចូលមកដល់រូបភាពទី ២ យើងឃើញថា បន្តិចក្រោយមក រថភ្លើងមួយក៏បានមកដល់ អញ្ចឹងនៅពេលដែលរថភ្លើងមកដល់ គឺតែងតែមានសំឡេងខ្លាំងៗ បាទ រថភ្លើងនៅប្រទេសកម្ពុជា គឺអត់លឿនទេ ល្បឿនវាគឺយឺត ក៏ប៉ុន្តែនៅពេលដែលរថភ្លើងមកដល់ស្ថានីយម្ដងៗ គឺមានសំឡេងលាន់យ៉ាងខ្លាំង ដែលធ្វើឲ្យអ្នកនៅទីនោះដឹងយ៉ាងច្បាស់ថា រថភ្លើងកំពុងតែមកដល់ហើយ អញ្ចឹងអ្នកដំណើរទាំងអស់អាចត្រៀមខ្លួននិងយកសម្ភារៈឬក៏អីវ៉ាន់របស់គេឡើងរថភ្លើងបាន ដូចនៅក្នុងរូបភាពនេះ នៅពេលដែលរថភ្លើងមកដល់ តែងតែមានឲ្យនូវសញ្ញាមួយ ដើម្បីបញ្ជាក់ប្រាប់អ្នកដំណើរថា រថភ្លើងបានមកដល់ហើយ អញ្ចឹងអ្នកដំណើរទាំងអស់ ត្រូវតែត្រៀមខ្លួន ដើម្បីឡើងរថភ្លើងទាំងអស់គ្នា។ យើងឃើញរថភ្លើងបើកមក គឺទ្វាររបស់រថភ្លើង គឺបិទទាំងអស់ ព្រោះថាគេមិនអាចបើកទ្វាររថភ្លើងបានទេ ប្រសិនបើកំពុងធ្វើដំណើរ ព្រោះអាចមានគ្រោះថ្នាក់ដល់អ្នកដំណើរ អញ្ចឹងយើងឃើញអ្នកដំណើរ ដែលនៅក្រៅរថភ្លើងទាំងអស់ កំពុងតែឈរចាំរថភ្លើង ដើម្បីឲ្យរថភ្លើងឈប់និងបើកទ្វារ បុរសម្នាក់ដែលពាក់អាវពណ៌ផ្កាឈូកនោះ គាត់កំពុងតែឈរកាន់ទូរស័ព្ទចុចដដែល អញ្ចឹងបានន័យថាគាត់ចូលចិត្តលេងទូរស័ព្ទរបស់គាត់នៅពេលទំនេរខ្លាំងណាស់ ព្រោះថាអំឡុងពេលដែលគាត់ឈរចាំរថភ្លើង គឺគាត់ចុចទូរស័ព្ទលេងរហូត។

Getting Up (Sakanan) — 13

នៅក្នុងរូបភាពទី ១៣ បាទ បន្ទាប់ពីនារីម្នាក់នោះ គាត់យកកាបូបគាត់ហើយ នារីម្នាក់នោះ គាត់បានដើរមកដើរបើកទ្វារ អញ្ចឹងគាត់ដើរមកបើកទ្វាររបស់គាត់ដើម្បីចេញទៅក្រៅ។ យើងឃើញថានៅក្នុងផ្ទះរបស់គាត់គឺមានកម្រាលព្រំមួយ បាទ នៅក្រោយនារីនោះ គឺមានកម្រាលព្រំមួយ កម្រាលព្រំជាទូទៅយើងដាក់នៅក្នុងផ្ទះ ដើម្បីឲ្យយើងដើរជាន់ ឬក៏ដាក់តាំងលម្អ។ អញ្ចឹងយើងក្រាលកម្រាលព្រំគឺជាសោភ័ណភាពមួយ ដើម្បី នៅក្នុងផ្ទះផងដែរ។ បាទ ហើយផ្ទះរបស់គាត់គឺតាំងលម្អដោយផ្ទាំងគំនូរមួយផ្ទាំង។ អញ្ចឹងគាត់ជាអ្នកដែលស្រឡាញ់គំនូរផងដែរ ព្រោះថាគាត់បានតាំងលម្អផ្ទាំងគំនូរនៅក្នុងផ្ទះរបស់គាត់។ ផ្ទះគាត់ក៏មានដូចជាដាំដើមឈើ គឺមានដាំដើមឈើនៅក្នុងថូផ្ការបស់គាត់ អញ្ចឹងដើមឈើឬក៏ផ្កា គាត់ដាំនៅក្នុងថូ ហើយដាក់នៅលើជើងពានមួយ បាទ នៅលើជើងពាន ឬលើជើងទម្រ ដែលផ្ការបស់គាត់នោះ គាត់ដាំនៅមាត់ទ្វារផ្ទះ បាទ គាត់ដាំលម្អនៅមាត់ទ្វារផ្ទះ។ អញ្ចឹងនារីម្នាក់នោះ គាត់បានបើកទ្វារផ្ទះ ដើម្បីចេញទៅក្រៅ បាទ គាត់បានបើកទ្វារផ្ទះ ទ្វាររបស់គាត់គឺបើកចូលក្នុង ហើយគាត់ដើរចេញក្រៅទៅតាមទ្វារនោះ។

Grilled Fish (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ បន្ទាប់ពីគាត់ចាកចេញពីកន្លែងលក់ត្រីមក អញ្ចឹងគាត់បានបន្តដំណើរមកមុខទៀត អញ្ចឹងគាត់ដើររហូតឆ្ពោះមកមុខលុះគាត់ដើរបានមួយសន្ទុះក្រោយមក គាត់បានដើរមកដល់ផ្ទះរបស់គាត់ អញ្ចឹងយើងឃើញគាត់បានដើរមកដល់ផ្ទះរបស់គាត់ ដែលមានមាត់ទ្វារនិងមានជណ្ដើរផងដែរ ក៏ប៉ុន្តែផ្ទះរបស់គាត់គឺទាបទេ អញ្ចឹងគាត់ ផ្ទះរបស់គាត់គឺអត់ខ្ពស់ទេ ដូច្នេះជណ្ដើររបស់គាត់គឺមានតែពីរកាំតែប៉ុណ្ណោះ អញ្ចឹងគឺងាយស្រួលឡើង អញ្ចឹងរូបភាពទី ៨ គឺបុរសម្នាក់នោះ គាត់បានយួរថង់អីវ៉ាន់ ឬក៏ថង់ម្ហូប ដែលគាត់ទិញមកតាមផ្លូវអម្បាញ់មិញ មកផ្ទះរបស់គាត់ ដោយនៅក្នុងថង់ដែលគាត់យួរនោះ គឺមានត្រី មានបាយ មានបន្លែ និងមានទឹកជ្រលក់ជាដើម ហើយគាត់យួរនៅដៃឆ្វេងរបស់គាត់ ដែលគាត់ដើរបណ្ដើរ ញញឹមបណ្ដើរ មកផ្ទះរបស់គាត់ ដែលយើងឃើញនៅមុខផ្ទះរបស់គាត់ គឺមានថូផ្កាចំនួនមួយ ហើយមានដើមឈើនៅក្នុងថូនោះផងដែរ អញ្ចឹងបានន័យថាគាត់ប្រហែលជាស្រឡាញ់ដើមឈើ ដូច្នេះគាត់បានដាំដើមឈើលម្អនៅខាងមុខផ្ទះរបស់គាត់ អញ្ចឹងគាត់ដាំដើមឈើដើម្បីលម្អនៅខាងមុខផ្ទះរបស់គាត់ ដែលបុរសម្នាក់នេះ គាត់បានមកដល់ផ្ទះរបស់គាត់ បន្ទាប់ពីគាត់ទិញត្រីអាំងនិងម្ហូបផ្សេងៗនៅតាមផ្លូវរួចមក។

Going To The ATM (Sakanan) — 02

ចូលមកដល់រូបភាពទី ២ នៅក្នុងរូបភាពទី ២ យើងឃើញថា បន្ទាប់ពីនារីម្នាក់នោះ គាត់បានពិនិត្យកាបូបលុយរបស់គាត់ ហើយគាត់អត់មានឃើញលុយនៅក្នុងកាបូបលុយរបស់គាត់នោះទេ អញ្ចឹងនារីម្នាក់នោះ គាត់ក៏បានដើរមកកាន់ធនាគារមួយ។ អញ្ចឹងនៅក្នុងរូបភាពនេះ យើងឃើញថា គាត់បានស្ពាយកាបូបធំរបស់គាត់នៅស្មាខាងស្ដាំ បាទ ហើយដៃម្ខាងរបស់គាត់ខ្ទប់កាបូប ឬក៏កាន់កាបូប ដើម្បីកុំឲ្យកាបូបយោល អញ្ចឹងនៅពេលដែលយើងដើរ យើងត្រូវកាន់កាបូប ឬក៏ស្ពាយកាបូប កាបូបស្ពាយរបស់យើងហ្នឹង យើងត្រូវកាន់ ព្រោះថានៅពេលដែលយើងមិនកាន់ វានឹងយោលយោក ឬក៏យោលចុះឡើងៗ ដែលធ្វើឲ្យយើងពិបាកដើរ អញ្ចឹងនៅក្នុងរូបភាពនេះ នារីម្នាក់នោះ គាត់ដើរបណ្ដើរ កាន់កាបូបទប់ឲ្យនឹងបណ្ដើរ ដើម្បីងាយស្រួលក្នុងការដើរ។ គាត់បានដើរមកដល់ធនាគារមួយ ដែលយើងឃើញថានៅខាងលើមាត់ទ្វារ គឺគេមានដាក់សញ្ញាធនាគារ ហើយធនាគារនោះ គឺមានទ្វារចូលចំនួនពីរ បាទ ទ្វារចូលចំនួនពីរ ប៉ុន្តែទ្វារធនាគារ ជាទូទៅគឺបិទ។ ដូច្នេះនៅពេលដែលអតិថិជនចូល អតិថិជនត្រូវបើកទ្វារដើម្បីចូល ព្រោះធនាគារបិទទ្វារ ដើម្បីរក្សាសុវត្ថិភាព ជាទូទៅទ្វារធនាគារ គឺជាទ្វារកញ្ចក់ ដែលអាចឲ្យយើងមើលឃើញខាងក្នុងបាន ដូច្នេះទោះជាបិទក៏ដោយ ក៏យើងអាចដឹងថា មានបុគ្គលិកនៅបម្រើការនៅក្នុងធនាគារឬក៏អត់ដែរ។

Cold Season (Sakanan) — 08

នៅក្នុងរូបភាពទី ៨ ចូលដល់រូបភាពទី ៨ ក្មេងប្រុសម្នាក់នោះ គាត់បានមកដល់សាលារបស់គាត់ហើយ។ អញ្ចឹងគាត់មកដល់សាលារបស់គាត់ ដោយគាត់បានបណ្ដើរម៉ូតូ។ បាទ អញ្ចឹងនៅក្នុងរូបភាពនេះ គឺក្មេងប្រុសម្នាក់នោះ គាត់កំពុងតែបណ្ដើរម៉ូតូ ដើម្បីទៅកន្លែងចត។ នៅពេលដែលយើងជិះម៉ូតូទៅសាលា ឬក៏ជិះកង់ទៅសាលា ដើម្បីជាវិន័យ ការគោរពវិន័យ យើងត្រូវបណ្ដើរ ចុះបណ្ដើរម៉ូតូ ឬក៏ចុះបណ្ដើរកង់ ព្រោះថានៅកម្ពុជា វិន័យសាលាមិនឲ្យជិះម៉ូតូឬក៏ជិះកង់ចូលក្នុងសាលានោះទេ។ ដោយនៅពេលដែលដល់ខ្លោងទ្វារសាលាហើយ សិស្សទាំងអស់ត្រូវចុះបណ្ដើរម៉ូតូឬក៏បណ្ដើរកង់ ដើម្បីទៅកន្លែងចត។ ដូចនៅក្នុងរូបភាពនេះ គឺក្មេងប្រុសម្នាក់នោះ គាត់ពុំបានជិះម៉ូតូគាត់ចូលក្នុងសាលានោះទេ ព្រោះគាត់បានចុះពីលើម៉ូតូ រួចបណ្ដើរៗម៉ូតូរបស់គាត់។ បាទ ដោយដៃទាំងពីររបស់គាត់កាន់នូវចង្កូតម៉ូតូ ហើយគាត់ដើរនៅក្បែរម៉ូតូរបស់គាត់ ដោយកាន់ម៉ូតូបណ្ដើរៗៗ ហើយគាត់រកកន្លែងចត ដែលកន្លែងចតនោះគឺយើងឃើញមានម៉ូតូជាច្រើនដែលនៅចតនៅទីនោះ។ បាទ អញ្ចឹងជាទូទៅកន្លែងចតម៉ូតូគឺគេចតឲ្យមានសណ្ដាប់ធ្នាប់ អញ្ចឹងគេចតជាជួរៗតែម្ដង។ ក្មេងប្រុសម្នាក់នោះត្រូវយកម៉ូតូរបស់គេ ដើម្បីដាក់ចូលជួរម៉ូតូដែលគេកំពុងចតនោះផងដែរ ដើម្បីរក្សាសណ្ដាប់ធ្នាប់នៅកន្លែងចតម៉ូតូ។

Cutting One’s Finger (Sakanan) — 05

មកដល់រូបភាពទី ៥ នៅក្នុងរូបភាពទី ៥ យើងឃើញថា បន្ទាប់ពីបុរសនោះបានមុតដៃ ហើយគាត់បានសម្លឹងមើលមុខរបួសគាត់អស់ពេលយ៉ាងយូររួច ហើយនោះ រំពេចនោះ គាត់ក៏បានរត់ចេញពីផ្ទះបាយ អញ្ចឹងអម្បាញ់មិញគាត់ធ្វើម្ហូបនៅក្នុងផ្ទះបាយ បន្ទាប់ពីគាត់មុតដៃ គាត់បានចេញពីក្នុងផ្ទះបាយ ហើយគាត់ចូលមកបន្ទប់ទឹក អញ្ចឹងគាត់រត់ចូលបន្ទប់ទឹកតាមទ្វារបន្ទប់ទឹក បាទ បន្ទប់ទឹករបស់គាត់គឺមានទ្វារមួយ ហើយនៅក្នុងបន្ទប់ទឹកនោះគឺមានបង្អួចមួយ បាទ បង្អួចកញ្ចក់ អញ្ចឹងយើងឃើញថាកញ្ចក់កំពុងតែបើក ដើម្បីឲ្យមានខ្យល់ចេញចូលនិងពន្លឺចេញចូល ហើយនៅក្បែរកញ្ចក់នោះយើងឃើញថាមានទូមួយ ដែលកូនទូមួយនោះ គឺជាទូសម្រាប់ដាក់សម្ភារៈ ដូចជាថ្នាំដុសធ្មេញ ថ្នាំដុសធ្មេញ សាប៊ូកក់សក់ សាប៊ូដុសខ្លួន ថ្នាំ និងបង់បិទដំបៅផ្សេងៗ សម្រាប់ធ្វើការសង្គ្រោះបឋម អញ្ចឹងនៅពេលដែលយើងមានរបួសបន្តិចបន្តួច យើងត្រូវធ្វើការសង្គ្រោះបឋមមុននឹងទៅមន្ទីរពេទ្យ ឬក៏មុននឹងទៅកន្លែងព្យាបាល ព្រោះការសង្គ្រោះបឋមអាចធ្វើឲ្យយើងផុតគ្រោះថ្នាក់បាន ដូច្នេះបុរសម្នាក់នោះ គាត់បានរត់ចូលមកក្នុងបន្ទប់ទឹក ហើយនៅក្នុងបន្ទប់ទឹក នៅក្រោមប្រអប់សង្គ្រោះបឋមនោះ គឺមានឡាបូសម្រាប់លាងដៃមួយ ហើយនៅលើឡាបូនោះគឺមានក្បាលរ៉ូប៊ីនេសម្រាប់បង្ហូរទឹកផងដែរ អញ្ចឹងយើងឃើញថា គាត់រត់បណ្ដើរ ដៃឆ្វេងរបស់គាត់ចាប់កាន់ដៃស្ដាំបណ្ដើរ អញ្ចឹងគាត់ចាប់កាន់ដៃស្ដាំដែលមុតបណ្ដើរ ហើយរត់ចូលក្នុងបន្ទប់ទឹក យើងឃើញថាឈាមកំពុងតែស្រក់ចេញពីម្រាមដៃរបស់គាត់ ឈាមកំពុងតែស្រក់ចេញពីម្រាមដៃរបស់គាត់ផងដែរ។

Hospital (Sakanan) — 08

បន្ទាប់មកទៀតរូបភាពទី ៨ នៅក្នុងរូបភាពទី ៨ យើងឃើញថា ដោយសារតែបុរសម្នាក់នោះ គាត់ដើរអត់រួច ដូច្នេះពេទ្យក៏ចាប់ផ្ដើមសែងគាត់ដាក់លើហ្វ្រង់កា នៅពេលដែលគាត់ដាក់លើហ្វ្រង់ការួចរាល់ហើយ អញ្ចឹងពេទ្យទាំងពីរនាក់ លោកគ្រូពេទ្យទាំងពីរនាក់ ក៏បានសែងបុរសនោះចូលទៅក្នុងឡានពេទ្យ ដោយសារតែមានការប្រុងប្រយ័ត្ន ដើម្បីកុំឲ្យអ្នកជំងឺធ្លាក់ពីលើហ្វ្រង់កា ដូច្នេះហ្វ្រង់កានីមួយៗតែងតែមានខ្សែក្រវាត់រឹតអ្នកជំងឺកុំឲ្យធ្លាក់ ព្រោះដោយសារតែហ្វ្រង់កាគឺជាក្រណាត់មួយផ្ទាំង ដែលយើងដាក់ដែក ឬក៏ដាក់ឈើនៅសងខាង ហើយដាក់អ្នកជំងឺនៅលើក្រណាត់នោះដើម្បីសែង អញ្ចឹងវាអត់មានជញ្ជាំង ដើម្បីទប់អ្នកជំងឺកុំឲ្យធ្លាក់នោះទេ ដូច្នេះដើម្បីធានាសុវត្ថិភាពអ្នកជំងឺកុំឲ្យធ្លាក់ពីលើហ្វ្រង់កា យើងត្រូវរុំខ្សែក្រវាត់អ្នកជំងឺឲ្យជាប់ដើម្បីកុំឲ្យគាត់ធ្លាក់ ព្រោះដោយសារតែគាត់កំពុងតែមានរបួស ដូច្នេះប្រសិនបើគាត់ធ្លាក់គឺអាចធ្វើឲ្យរបួសគាត់កាន់តែធ្ងន់ធ្ងរបាន អញ្ចឹងគ្រូពេទ្យត្រូវតែមានការប្រុងប្រយ័ត្នជានិច្ច។ នៅក្នុងរូបភាពទី ៨ យើងឃើញ គ្រូពេទ្យសែងបុរសម្នាក់នោះចូលទៅក្នុងឡានពេទ្យ ដោយចូលទៅតាមទ្វារចំហៀង អញ្ចឹងឡានពេទ្យគឺមានទ្វារច្រើន គឺមានទ្វារកន្លែងអ្នកបើកបរចំនួនពីរ ទ្វារចំហៀងចំនួនមួយ សម្រាប់លើកអ្នកជំងឺចូល និងទ្វារខាងក្រោយចំនួនមួយផងដែរ ព្រោះប្រសិនបើអ្នកជំងឺគាត់ធ្ងន់ធ្ងរខ្លាំង គឺសែងអត់បាន គឺប្រើហ្វ្រង់ការុញ ដូច្នេះប្រសិនបើគេប្រើហ្វ្រង់ការុញ គឺគេចូលតាមទ្វារខាងក្រោយនៃឡាន ប៉ុន្តែប្រសិនបើគេប្រើហ្វ្រង់កាសែង គឺគេចូលតាមទ្វារចំហៀង ដូច្នេះពេទ្យគាត់បានបើកទ្វារចំហៀង ដើម្បីសែងបុរសម្នាក់នោះចូលទៅក្នុងឡាន។

Hospital (Sakanan) — 06

បន្ទាប់មករូបភាពទី ៦ រូបភាពទី ៦ យើងឃើញមានឡានពេទ្យមួយកំពុងតែបើកបរ អញ្ចឹងឡានពេទ្យ បន្ទាប់ពីបានទទួលព័ត៌មាន ឬក៏ទទួលទូរស័ព្ទរបស់នារីម្នាក់តេប្រាប់គាត់អំពីគ្រោះថ្នាក់ចរាចរណ៍មួយនោះហើយ អញ្ចឹងឡានពេទ្យគាត់ក៏មក ជិះសំដៅមករកកន្លែងកើតហេតុ ដើម្បីជួយសង្គ្រោះបុរសម្នាក់នោះ អញ្ចឹងជាទូទៅឡានពេទ្យគឺខុសពីឡានយើងធម្មតា ដោយសារតែឡានយើងធម្មតា យើងតែងតែជិះក្នុងល្បឿនធម្មតា ក៏ប៉ុន្តែឡានពេទ្យគឺយើងឃើញមានបិទសញ្ញាបូកនៅលើទ្វារ នៅលើកញ្ចក់ឡានពេទ្យទាំងអស់ ដើម្បីបញ្ជាក់ថាគឺជាឡានពេទ្យ ហើយម្យ៉ាងវិញទៀតឡានពេទ្យគឺមាន តែងតែមានភ្លើងស៊ីរ៉ែន យើងហៅថាភ្លើងស៊ីរ៉ែន ដើម្បីបន្លឺសំឡេងផង និងដើម្បីបញ្ចេញភ្លើង សុំផ្លូវផង ដោយសារតែឡានពេទ្យគឺប្រញាប់ទៅជួយសង្គ្រោះអ្នកដទៃដែលមានគ្រោះថ្នាក់ ឬក៏ជួយសង្គ្រោះអ្នកជំងឺ ដូច្នេះឡានពេទ្យគឺមានអាទិភាព បានន័យថានៅពេលដែលគាត់ធ្វើដំណើរនៅលើផ្លូវ ឬក៏ធ្វើចរាចរណ៍នៅលើផ្លូវ គឺអ្នកទាំងអស់គ្នាដែលជិះនៅខាងមុខឡានពេទ្យ គឺត្រូវតែចៀសផ្លូវឲ្យឡានពេទ្យទៅមុន គឺឡានពេទ្យគាត់បានបញ្ចេញស៊ីរ៉ែន និងបញ្ចេញភ្លើងស៊ីញ៉ូ ដើម្បីសុំផ្លូវបានទៅមុន ព្រោះថាគាត់ប្រញាប់ទៅជួយសង្គ្រោះអ្នកជំងឺ អញ្ចឹងនៅពេលដែលយើងឃើញឡានពេទ្យ យើងអត់ត្រូវបើកបរនៅខាងមុខឡានពេទ្យនោះទេ ព្រោះវាអាចធ្វើឲ្យយើងមានគ្រោះថ្នាក់បាន ដោយសារតែឡានពេទ្យបើកនៅក្នុងល្បឿនលឿន ដូច្នេះនៅពេលដែលយើងឮសូរសំឡេងឡានពេទ្យ ឬក៏ឮស៊ីរ៉ែនឡានពេទ្យ យើងត្រូវចៀសមកខាងចិញ្ចើមផ្លូវ ដើម្បីទុកកណ្ដាលផ្លូវ ផ្លូវទ្រូងផ្លូវ ឲ្យឡានពេទ្យបើកបរ ព្រោះគាត់ប្រញាប់ទៅជួយសង្គ្រោះគេ អញ្ចឹងឡានពេទ្យ នៅពេលដែលប្រញាប់ទៅជួយសង្គ្រោះ គឺតែងតែបើកភ្លើងស៊ីរ៉ែន និងបើកភ្លើងស៊ីញ៉ូ ដើម្បីសុំផ្លូវជានិច្ច។

Laundry (Sakanan) — 16

បន្ទាប់មកទៀតនៅក្នុងរូបភាពចុងក្រោយ រូបភាពទី ១៦ រូបភាពទី ១៦ យើងឃើញថា បន្ទាប់ពីគាត់បត់ខោអាវរួចរាល់ហើយ បាទ ខោអាវយឺតរបស់គាត់ អាវយឺតខោខោវប៊យ យើងត្រូវបត់ បន្ទាប់ពីគាត់បត់អាវយឺតរួចរាល់ហើយ អាវផ្សេងទៀត ដូចជាអាវឯកសណ្ឋានទៅរៀន ឯកសណ្ឋានទៅសាលា ឬក៏ឯកសណ្ឋានដែលគាត់ពាក់ទៅធ្វើការជាដើម អញ្ចឹងខោអាវទាំងនោះ យើងមិនអាចបត់បានទេ ព្រោះថានៅពេលដែលយើងបត់ វាអាចឲ្យខ្ទេចសាច់ក្រណាត់ អញ្ចឹងយើងពិបាកនៅក្នុងការពាក់ដើម្បីទៅធ្វើការ ដូច្នេះហើយខោអាវឯកសណ្ឋានសាលា ឬក៏ឯកសណ្ឋានដើម្បីទៅធ្វើការ យើងត្រូវព្យួរវាឲ្យមានសណ្ដាប់ធ្នាប់ គឺយើងមិនបត់នោះទេ អញ្ចឹងយើងត្រូវព្យួរ ដូច្នេះនៅក្នុងរូបភាពនេះ យើងឃើញបុរសនោះ គាត់បានយកខោអាវមួយចំនួន ដែលជាអាវធ្វើការរបស់គាត់ ទៅព្យួរនៅក្នុងទូវិញ ដោយយើងឃើញគាត់បើកទ្វារទូម្ដងទៀត ហើយយកស្មាអាវរបស់គាត់ ស្មាអាវដែលនៅក្នុងទូនោះ មកព្យួរជាមួយនឹងអាវ ដូច្នេះគាត់យកអាវរបស់គាត់ទៅព្យួរនឹងស្មាអាវ រួចហើយយកខោអាវដែលព្យួររួចនោះ ទៅដាក់នៅក្នុងទូ អញ្ចឹងជាក់ស្ដែងនៅក្នុងរូបភាពនេះ យើងឃើញថា មានអាវចំនួនពីរនៅក្នុងទូរបស់គាត់ ដែលគាត់បានព្យួររួចហើយ ដូចជាអាវនោះ ពណ៌ ដូចជាស្វាយ ហើយនិងអាវពណ៌ខៀវ អញ្ចឹងនៅក្នុងដៃរបស់គាត់ គឺមានអាវពណ៌លឿងមួយទៀត ដែលជាអាវដៃវែង អញ្ចឹងគាត់កំពុងតែយកអាវដៃវែងពណ៌លឿងនោះ ទៅព្យួរនៅក្នុងទូមួយទៀត ដើម្បីទុកឲ្យវាមានសណ្ដាប់ធ្នាប់ និងចៀសផុតពីការប្រឡាក់ ហើយគាត់ត្រៀមសម្រាប់ការស្លៀកពាក់ទៅធ្វើការនៅថ្ងៃស្អែកទៀត។

Pickpocket (Sakanan) — 03

នៅក្នុងរូបភាពទី ៣ ចូលដល់រូបភាពទី ៣ យើងឃើញថា បន្ទាប់ពីរថភ្លើងមកដល់ហើយ រថភ្លើងក៏ចាប់ផ្ដើមឈប់ រំពេចនោះ ទ្វាររថភ្លើងក៏ចាប់បើកឡើង ហើយនៅពេលដែលទ្វាររថភ្លើងបើក គឺអ្នកដំណើរទាំងអស់ គឺចៀសចេញពីទ្វាររថភ្លើង អញ្ចឹងយើងឃើញនៅក្នុងរូបភាពនេះ គឺទ្វាររថភ្លើង គឺបើកចេញជាចំហៀង បានន័យថាទ្វាររថភ្លើងគឺមានពីរ បាទ មានពីរ ដែលយើងឃើញថាមានទ្វារពីរនៅក្នុងច្រកចេញមួយ អញ្ចឹងទ្វារទាំងពីរនោះ គឺមិនបើកចូលក្នុង ឬក៏ចេញក្រៅទេ ក៏ប៉ុន្តែទ្វារទាំងពីរគឺបើករុញទៅឆ្វេងនិងរុញទៅស្ដាំ ព្រោះថាប្រសិនបើយើងបើកចូលក្នុងឬចេញក្រៅ អាចបណ្ដាលឲ្យប៉ះពាល់ដល់អ្នកដំណើរ អញ្ចឹងអាចធ្វើឲ្យគាត់មានគ្រោះថ្នាក់ឬមានរបួសបាន ដូច្នេះនៅពេលដែលយើងរុញចេញខាងដូច្នេះ គឺមិនមានអីប៉ះពាល់ដល់អ្នកដំណើរនោះទេ អញ្ចឹងហើយទើបទ្វាររថភ្លើង គេធ្វើឲ្យរុញចេញទៅខាងទាំងអស់តែម្ដង។ យើងឃើញនៅក្នុងរូបភាពនេះ អ្នកដំណើរទាំងអស់ ដែលនៅខាងក្រៅរថភ្លើង ដែលរង់ចាំចូលទៅក្នុងរថភ្លើងនោះ គាត់បានចៀសចេញពីទ្វាររថភ្លើង ឬក៏ចៀសចេញពីផ្លូវចេញនៃរថភ្លើង ព្រោះថានៅពេលដែលរថភ្លើងឈប់ និងមានអ្នកដំណើរខ្លះចេញពីទ្វាររថភ្លើង ដូច្នេះអ្នកដំណើរដែលនៅខាងក្រៅ ត្រូវរង់ចាំឲ្យអ្នកដំណើរដែលចេញ ចេញពីរថភ្លើងឲ្យអស់ ទើបគេអាចចូលបាន អញ្ចឹងហើយ ប្រសិនបើគេឈរនៅខាងមុខផ្លូវដើរ ធ្វើឲ្យបាំង ឬក៏ធ្វើឲ្យស្ទះផ្លូវគេចេញមិនរួច អញ្ចឹងធ្វើឲ្យមានការយឺតយ៉ាវដល់ការធ្វើដំណើរ ដូច្នេះដើម្បីឲ្យមានសុជីវធម៌ផង និងដើម្បីកុំឲ្យស្ទះផ្លូវដល់គេផង ពួកអ្នកដំណើរដែលនៅខាងក្រៅ ត្រូវតែចៀសចេញពីផ្លូវដែលគេដើរ។

Getting Up (Sakanan) — 17

ចូលដល់រូបភាពទី ១៧ អញ្ចឹងនៅក្នុងរូបភាពទី ១៧ បន្ទាប់ពីគាត់ដើរបានបន្តិចមក យើងឃើញថា គាត់ក៏បានចូលទៅដល់កន្លែងធ្វើការរបស់គាត់។ អញ្ចឹងគាត់បានដើរមកដល់មុខកន្លែងធ្វើការរបស់គាត់ហើយ ដោយកន្លែងធ្វើការរបស់គាត់ គឺមានប្រើប្រាស់ទ្វារកញ្ចក់។ បាទ ប៉ុន្តែទ្វារនោះមិនបើកនោះទេ មិនមែនបានន័យថា មិនទាន់ដល់ម៉ោងធ្វើការនោះទេ ក៏ប៉ុន្តែជាទូទៅទ្វារក្រុមហ៊ុនឬក៏ទ្វារកន្លែងធ្វើការ គឺគេតែងតែបិទជានិច្ច ប៉ុន្តែគេមិនចាក់សោនោះទេ ដោយសារតែគេត្រូវបើកចេញចូលជាប្រចាំ ដូច្នេះគេគ្រាន់តែបិទ ដើម្បីកុំឲ្យមានដីហុយចូល ឬក៏មានខ្យល់ចូលខ្លាំង អញ្ចឹងទ្វារកញ្ចក់ គឺអាចមើលឃើញនៅខាងក្នុង ដូច្នេះ ពេលដែលនារីនោះទៅដល់ គាត់ត្រូវបើកទ្វារកញ្ចក់ ដើម្បីចូលទៅក្នុងការិយាល័យឬក៏កន្លែងធ្វើការរបស់គាត់។ ជាមួយនឹងបាយ ដែលគាត់យួរមកអម្បាញ់មិញ យើងឃើញថាគាត់នឹងញ៉ាំបាយពេលព្រឹកនោះ នៅក្នុងកន្លែងធ្វើការរបស់គាត់ឬក៏នៅក្នុងការិយាល័យរបស់គាត់តែម្ដង បាទ ព្រោះថាគាត់ត្រូវមកឲ្យដល់កន្លែងធ្វើការឲ្យទាន់ម៉ោង បន្ទាប់មក គាត់ត្រូវស្រស់ស្រូបអាហារពេលព្រឹកមុននឹងគាត់ធ្វើការ ព្រោះប្រសិនបើយើងមិនបានស្រស់ស្រូបអាហារពេលព្រឹកនោះទេ យើងនឹងពុំមានកម្លាំងគ្រប់គ្រាន់ ដើម្បីធ្វើការនោះទេ ព្រោះថាព្រឹកឡើងគឺយើងនឹងហេវ ឬក៏យើងនឹងឃ្លាន ដូច្នេះយើងត្រូវញ៉ាំឲ្យបានឆ្អែតមុននឹងធ្វើការ ដូចនារីម្នាក់នេះ ទោះបីជាគាត់មិនមានពេលច្រើន សម្រាប់ញ៉ាំអាហារពេលព្រឹកនៅកន្លែងលក់អាហារពេលព្រឹកក៏ដោយ ក៏ប៉ុន្តែគាត់ក៏បានខ្ចប់អាហារពេលព្រឹក ដើម្បីមកញ៉ាំនៅកន្លែងធ្វើការផងដែរ។ អញ្ចឹងបានន័យថា ឥឡូវនេះ គាត់មកដល់កន្លែងធ្វើការរបស់គាត់ហើយ ហើយគាត់ក៏កំពុងតែដើរសំដៅចូលទៅក្នុងការិយាល័យរបស់គាត់ផងដែរ ដើម្បីធ្វើការរបស់គាត់ ដូចសព្វមួយដង ឬក៏ជាដូចរាល់ថ្ងៃអញ្ចឹងដែរ បាទ។

Laundry (Sakanan) — 01

ជាក់ស្ដែងនៅក្នុងរូបភាពទី ១ យើងឃើញមានក្មេងប្រុសម្នាក់ បាទ ក្មេងប្រុសម្នាក់ អាយុគាត់ប្រហែលជា ១៨ ឆ្នាំ ដោយក្មេងប្រុសម្នាក់ហ្នឹង គាត់មានសក់ខ្លីពណ៌ខ្មៅ គាត់ពាក់អាវដៃខ្លីពណ៌ស បាទ ហើយគាត់ស្លៀកខោពណ៌សផងដែរ អញ្ចឹងក្មេងប្រុសម្នាក់ហ្នឹង កំពុងតែឈរច្រត់ចង្កេះ គាត់ឈរច្រត់ចង្កេះ ដោយភ្នែករបស់គាត់គឺសម្លឹងទៅមើលនៅក្នុងទូខោអាវរបស់គាត់ អញ្ចឹងយើងឃើញនៅពីមុខរបស់គាត់ នៅពីមុខគាត់ យើងឃើញមានទូខោអាវចំនួនមួយ បាទ ទូខោអាវចំនួនមួយ ហើយទូខោអាវនោះគឺកំពុងតែបើកទ្វារ អញ្ចឹងគាត់បើកទ្វារទូខោអាវ ដើម្បីរកមើលខោអាវនៅក្នុងទូ ប៉ុន្តែយើងឃើញថានៅក្នុងទូខោអាវនោះ គឺអត់មានខោអាវនោះទេ អញ្ចឹងទូខោអាវគឺអត់ឃើញមានខោអាវទេ គឺយើងឃើញតែមានស្មាអាវ អញ្ចឹងស្មាអាវគឺយើងប្រើសម្រាប់ព្យួរខោ ឬក៏ព្យួរអាវ ដើម្បីដាក់នៅក្នុងទូឲ្យមានសណ្ដាប់ធ្នាប់ ពេលខ្លះខោអាវគឺ នៅពេលដែលយើងដាក់នៅក្នុងទូ គឺយើងបត់ ធ្វើការបត់វា ឬក៏ធ្វើការព្យួរវា អញ្ចឹងប្រសិនបើយើងមិនមានស្មាអាវសម្រាប់ព្យួរនោះទេ យើងអាចបត់វា បាទ ក៏បានដែរ អញ្ចឹងយើងបត់វាដាក់ក្នុងទូ ទើបវាមានសណ្ដាប់ធ្នាប់និងមិនប្រឡាក់ ព្រោះថាខោអាវថ្មីៗ ប្រសិនបើយើងដាក់នៅខាងក្រៅ វាអាចនឹងហុយដីប្រឡាក់ជាក់ជាពុំខាន អញ្ចឹងយើងយកវាទៅដាក់ក្នុងទូ ហើយបិទទ្វារឲ្យជិត អញ្ចឹងវាអត់ប្រឡាក់ទេនៅពេលដែលយើងបោកហើយ នៅក្នុងរូបភាពនេះគឺ គាត់អត់មានខោអាវនៅក្នុងទូទៀតទេ ព្រោះគាត់ប្រើប្រាស់ ឬក៏គាត់ស្លៀកពាក់ខោអាវរបស់គាត់អស់មួយអាទិត្យ អញ្ចឹងគាត់អត់ទាន់បានបោក ដូច្នេះអត់មានខោអាវនៅក្នុងទូខោអាវរបស់គាត់ទេ។